Good party places in Kuwait

وايد في أماكن حلوة لحفلات الأطفال في الكويت وطبعا عمر الطفل اهوا اللي يحدد المكان وانا شخصيا أفضل إذا كان عمر الطفل

سنة يكون العيدميلاد بالبيت أفضله وأفضل للأم وأريح بعد ومن عمر السنتين ممكن نختارله مكان حلو نسويله فيه ,راح أبدي

بالأماكن على حسب العمر.

عمر السنتين إلى 6 سنوات: 

1-جيجلز(giggles) موجود في منطقة العديلية حلو وملموم وتقدرين تحجزينه كله لج تقريبا مدة 4 ساعات وطبعا هالمده كافية

وعندهم تجهيز كامل للحفلة يعني تختارين من عندهم الباكيج اللي تبينه طبعا يشمل الديكور من تفافيخ وصورة الطفل ورسم وجوه

والكيكة والعشا وآخر الحفلة يعطونهم الفيش للعب.انا سويت فيه عيدميلاد ولدي بعمر السنتين وكانت حيل خوش حفلة و هذي بعض الصور للمكان.



جيجلز

وإذا عجبكم المكان هذا عنوانه ورقم التلفون والإيميل

	العديلية - بجانب نادى كاظمة
	22548514
	فاكس : 225448431
	galina@http://www.giggles.com.kw                   وهم في أماكن ثانية لنفس العمر :               1-ماجيك بلانيت في الأفنيوز بس عيبة إن العشا لازم من ماكدونالدز وأنا الصراحة ماحب اليهال ياكلونه                         بس ألعابهم حلوه يستانسون اليهال.        رقم الهاتف/الموبايل: 22597777 (دولي: 0096522597777) (مركز اتصال الأفنيوز) رقم الهاتف/الموبايل: 22597945 (دولي: 0096522597945) الموقع الالكتروني: www.ThePlayMania.com   2-مجمع 360 فيه مكانين الأول انفينيتي مكان الألعاب الكبير والثاني MAKE المحل اللي يسوون فيه الصابون والشموع حلو وملموم لليهال. 3-بروي بس الصراحة مليق شوي مايونس لانه يعتمد فقط على اللي يلعب اليهال إذا مليق صار العيدميلاد مليق. 4-معهد جامبيون في الجابرية وأنا أحب هالمكان لأنه ملموم وأكلهم نوعا ما زين الأهم فيه ألعاب يلعبون فيها اليهال. 5-ديسكفري مول فيه محل LITTLE CHEF  حلو سويت فيه عيدميلاد بنتي وايد يونس بس سعره شوي مبالغ فيه. 6-وهم في ديسكفري في LITTLE GYM ماجربته بس شكله أوكي. 7-وبعد في ديسكفري فيه GOAL حلو حق عمر من 4 سنوات وطالع.                                                     وسلامتكم.

أماكن تصلح لعمر 6-10 سنين

أماكن تصلح للأعمار من 6 - 10 سنين :

1- مجمع 360 :

       - محل MAKE  الصابون والشموع.

       - محل انفنتي هم ينفع.

       - البولنغ.

      - الألعاب اللي جبال البولنغ أغلبها ألعاب إالكترونية هم تنفع.

2- مجمع ديسكفري :

     - GOAL وايد حلو للشباب.

     - LITTLE CGEF وايد حلو للبنات.

   - GOLF هم حلو يونس لليهال.

  - MY LITTLE GYM هم يسوي حفلات تونس.

   - وفي بعد في السرداب قاعة كبيرة حق اللي تبي بس مكان كبير والباجي إهيا تسويه.

3- paintball  مكان هم حلو لأعياد الميلاد بس مشكلته إذا كان العيدميلاد بالويك اند راح يكون الطريج والمكان زحمة , والمكان عبارة عن ساحة حرب وكل واحد يلبس اللبس الخاص وياخذ مسدس فيه 100 طلقة وكل زيادة يدفع عليها, المكان وايد حلو خصوصا لعمر 10 سنوات وأكثر.